طريقة عمل اميل جامعى امريكى بمميزات خرافية مجانا

 كل ما يخص السات والاقمار وما هو سيرفر سيسكام والشفرات والشيرنج والاقمار وانواع العدسات وافضل انواع الريسيفرات

 

مقدمة :

هحكي في الموضوع ده على شكل سؤال وجواب للتسهيل والإختصار وإن شالله أكون قدرت احكي عن أهم النقاط 

الموضوع  

 سنتكلم اليوم عن شرح  

كل ما يخص السات والاقمار وما هو سيرفر سيسكام والشفرات والشيرنج والاقمار وانواع العدسات وافضل انواع الريسيفرات  يعني إيه تايم شفت؟

هلى هيئة سؤال وجواب

رسيفرك عادي ولا hd ؟

لو رسيفرك عادي تأكد إنك بتخسر أكثر من 70% من متعة مشاهدة قنوات الرياضة لأنك بتخسر قنوات كتير وبتخسر جودة صورة حلزة بتفرق كتير عن القنوات العادية

طب عاوز أشتري رسيفر hd بتنصحني بإيه؟

السؤال ده إجابته بتتوقف على عدة عوامل أهمها إنت فلوسك كام .. وإيه المتوفر في السوق حاليا لو فلوسك كويسة وعاوز تشتري حاجة تمام التمام ممكن تشتري h7 هيكلفك تقريبا 1700 جنيه او ستار سات او ستريم 2000 او تايجر 3000 ودي أجهزة عملاقة وفلوسها حراقة حبتين

طب بتنصحني بإيه؟

الأجهزة المتوفرة حاليا في السوق اللي مكتوب عليها بتدعم خاصية h2.65 اللي بتشغل بي آوت (سواء كانت فعلا بتدعم H2.65 أو لأ ده مش موضوعنا المهم إنها بتشغل Beout ) ممتازة جدا جدا مقارنة بسعرها.. بقول تاني مقارنة بسعرها اللي بيتراوح من 450 جنيه زي اجهزة جوكر وشارك لغاية 600 زي اجهزة السيناتور 999 والسوبر جولد 111.. وممكن يزيد او يقل عن كدة شوية..لو مش محتاج بي اوت لأنها مش مضمونة ممكن تجيب أي جهاز hd بشرط يكون بيدعم شيرنج وجميع أنواع الشفرات وبيدعم iptv وسعره بيتراوح من 250 ل 400 جنيه

طب ليه بتنصحني بالأجهزة دي؟

لأنه تقريبا فيها كل حاجة انت محتاجها
صورة full hd ممتازة
تدعم الشيرنج بكل أنواعه
تدعم كل أنوع التشفير اللي تعرفه واللي متعرفوش
تدعم نظام iptv للمشاهدة عبر الإنترنت
تدعم اليوتيوب وخاصية الدوبلي
تدعم التايم شفت
برمجتها والتعامل معها سهل جدا والدعم متجدد ليها بشكل دائم
والأهم من ده كله سعرها مناسب جدا

 

طب أنا ممكن أشتري الجهاز من هنا وبي أوت هتقفل من هنا؟

حتى لو قفلت بي اوت مش حتخسر حاجة لأنك شاري جهاز في كل المواصفات وبسعر مناسب

طب الأجهزة دي أنواعها كتير مين الأفضل منهم؟

طبعا هتلاقي حالك تايه عند ما تيجي تشتري اللي يقلك ده معاه iptv سنتين وده 3 وده معاه شيرنج سنة وحدة وده سيرفر كذا وده كذا وليلة كبيرة أوي سعادتك.. طب أنا أعمل إيه؟
بحب أقلك يا نجم حطها حلقة في ودانك
السيرفر المجاني اللي بيجي مع الأجهزة دي سواء شيرنج أو iptv وجوده وعدمه واحد وغير مستقر وكثير التقطعات يعني كدا كدا على الأقل هتحتاج سيرفر شيرنج (هتكلم عنه قدام) .. يعني اللي بدي اوصلك اياه انه مدة السيرفر مش مقياس او ميزة تميز جهاز عن التاني

طب يا عم انصحني أجيب إيه؟

السؤال ده إتسأل كتير وفي أوقات كتير وإجابته توصلت ليها بعد متابعة كتيرة للموضوع ده فوجدت:
لو عاوز رسيفر ب واي فاي هات سيناتور 999
ولو عاوز بكرت لان و واي فاي هات سيناتور 9900

طب ليه سيناتور ..يفرق ايه عن غيره ؟

بإختصار الأجهزة دي تقريبا كلها شبه بعض بس اللي يميز السيناتور الدعم.. ليه دعم بشكل مستمر

  طب بما انا تكلمنا عن الرسيفر نتكلم عن الطبق.. ايه القطر المناسب للطبق؟

لو حضرتك عاوز تخلي الطبق لقمر لوحده زي البلغاري مثلا أو السوري هتبدأ دايما من طبق 70 واطلع لكن ممكن تواجهك بعض المشاكل زي ضعف الاشارة بالنهار وقوتها بالليل والعكس .. عشان كدة يفضل دايما يكون طبقك متر عشان تريح دماغك

طب إيه أفضل أنواع الطباق والعدسات؟

من وجهة نظر الكثيرين ال perfix ال متر من أفضل الأطباق وعدسات ال perfix اللبني من أفضل العدسات

طب مين أفضل الطبق الثابت ولا المتحرك؟

من خلال متابعتي للموضوع ده لاحظت إن الغالبية العظمى بتفضل الطبق المتحرك عن الثابت لأنه بجيب قنوات كتير وأقمار كتير لكن من وجهة نظري أنا .. أنا بفضل الثابت 

طب ليه بتفضل الثابت يا نجم؟

لأنه الشغلة مش بكترة القنوات مقارنة بقيمتها ومش هقعد كل شوية ألف الموتور وارجع الموتور من قناة لقناة.. فرضا كنت بتابع ماتش مصري عالنيل وبنفس الوقت ماتش دوري اسباني عالاوروبي هقعد كل اشوية ألف وأرجع الموتور !!! طبعا دي وجهة نظر شخصية قد تختلف من شخص لآخر

 

طب إيه أفضل تركيبة للثابت؟

طبعا السؤال ده إجابته بتختلف من شخص لشخص وبتختلف موسم عن موسم لانه باقات بتغادر قمر وبتروح على قمر تاني وهكذا .. كمان بتتوقف على قطر ونوع طبقك .. وبتختلف شيرنج ولا مجاني

  يعني إيه شيرنج؟

باختصار هو فتح القنوات المشفرة عن طريق الإتصال بسيرفر عن طريق الإنترنت ولا يحتاج لنت قوي ..فقط يحتاج لنت مستقر حتى لو ضعيف وأسعار الإشتراك تتفاوت من 50 ل 100 جنيه بالسنة

طب إيه أفضل تركيبة شيرنج الموسم ده؟

من وجهة نظري لو عندك جهاز بيشغل بي اوت هيبقى
نايلسات عاموس أوروبي عربسات
ولو جهاز مش بيشغلها هيبقى
نايلسات عاموس بلغاري اوروبي

طب يوتلسات 16 قمر مشهور ليه مش ضايفه؟

لانه لسة مستقرش عالشيرنج والقنوات بتقطع كتير ولو رجع استقر هيبقى
نايلسات عاموس يوتلسات16 اوروبي
طبعا في جميع الاحوال الأوروبي لا غنى عنه

طب إيه أفضل تركيبة 8 أقمار؟

نايسات عاموس بلغاري قبرصي
يوتلسات9 أوروبي يوتلسات 16 عربسات

طب ليه مش جايب سيرة أسترا 19 و 23؟

باختصار لان دي أقمار بتحتاج أطباق كبيرة وظبط دقيق مع العلم ممكن تستقبلها عطبق متر مع تركيبة يكون الاوروبي فيها سنتر بس مش هتستقبل القنوات الرياضية المهمة.
لازم تسنتر قمر منها وده هيضعف اشارات الاقمار التانية
في نقطة مهمة جدا جدا عند تركيب قمر..
لازم تاخد بعين الإعتبار وتتأكد عند تركيب قمر إنه معظم الترددات اللي ممكن استقبالها بمنطقتك وبنفس حجم طبقك شغالة .. يعني مثلا انت عاوز تركب قمر العربسات وجبت فني وظبطلك عتردد وجابلك كم قناة .. لكن باقي الترددات مش جاية مع العلم انه ممكن تستقبلها بمنطقتك وبطبقك فده عيب ظبط
كمان نقطة مهمة لما تجيب فني يظبطلك قمر تأكد إنه الإشارات كدة أعلى ما يمكن .. يعني مثلا التردد ده يتم استقباله بمنطقتك وبطبقك باشاراة 85 واعلى .. حرام يكون عندك 50 مع ان جارك بنفس طبقك وعدستك ورسيفرك مستقبله 85

طب إيه أفضل تركيبة مجاني؟

هي وحدة مفيش غيرها .. الياه سات والأذري وممكن معهم التركي بس ملوش لازمة حاليا

طب مين أفضل مجاني ولا شيرنج؟

طبعا مفيش وجه للمقارنة بينهم أكيد الشيرنج أفضل.. الشيرنج بتتكلم عن باقات كاملة كل باقة مش اقل من 3 اربع قنوات زي ايليفن وكانان وسبورت كلوب وارينا ويس.. بينما المجاني بتتكلم عن قنوات محدودة زي فارزيتش وايدمان .. يعني لو صدف ماتشين بنفس الوقت اكيد هتشوفهم عالشيرنج

يعني إيه تايم شفت؟

تايم شفت يعني تجيب صوت تعليق عربي من مصدر خارجي غالبا الموبايل عن طريق تطبيق مكسلر وتوافق الصوت مع الصورة من خلال الرسيفر

طب إنت عامله إزاي عندك؟

بشغل الماتش مثلا عقناة اليفن
بوطي الصوت من الرسيفر للاخر
بشغل تطبيق مكسلر وبأخر الصورة من الرسيفر حتى تتوافق مع الصورة غالبا من 15 ل 25 ثانية
كدة بشوف صورة hd من التلفزيون وصوت تعليق عربي من الموبايل
آخر حاجة بعملها بربط الموبايل بسماعة بلوتوث حاططها فوق التلفزيون فبسير الصوت يطلع من السماعة وكأنه طالع من التلفزيون وبكدة كأنك بتتفرج على بين سبورت 100%

طب إيه يعني iptv ؟

يعني مشاهدة القنوات عن طريق النت ولكن مش أي نت
يلزمك على الأقل نت بسرعة 4 ميجا ورسيفر بيدعم iptv
طبعا في iptv بيجي مجاني مع الرسيفر وفي المدفوع واشتراكه من 250 ل 350 جنيه بالسنة وطبعا المدفوع أفضل وأكثر ثبات ولا يقارن بالمجاني

ما هو الدنجل؟

الدنجل عبارة عن فتح قنوات مشفرة عن طريق إتصال الرسيفر بالأقمار الصناعية.. وهي خاصية متوفرة في بعض الأجهزة مثل ستار سات 90000

ما هي متطلبات الدنجل؟

1 جهاز رسيفر داعم للخاصية مثل ستار سات 90000 ويختوي على توينر خاص بالدنجل
2 طبق خاص بالدنجل موجه حاليا على قمر 14 غرب .. بمعنى أنه لازم يكون عندك طبقين .. طبق للديجتال العادي كيو باند ثابت أو متحرك في الأخير نازل سلكه على التوينر الخاص بالكيوباند (الديجتال العادي) وطبق نازل سلكه على التوينر الخاص بالدنجل
ما هي الباقات المكسور على الدنجل حاليا؟
فقط باقة osn alfa وبعض قنوات الأفلام على قمر w14
مع العلم في الماضي كانت مكسورة باقات الجزيرة الرياضية والشوتايم ومعظم الباقات المشهورة قبل ظهور ما يسمى بالتشفير الآمن
ما هو الفيد feed
هو عبارة عن قنوات مؤقتة تظهر فقط أوقات المباريات ثم تختفي مجددا.. قد تكون صورة وصوت وقد تكون صورة فقط ..وتحتاج لإستقبالها أطباق متحركة كبيرة تبدأ من 160 فأكثر.. وأشهر أقمار الفيدات هي يوتل سات 7 شرق ويوتل سات 10 شرق.. وغالبا ما تكون مشفرة بشفرة بيس

وختاما كتب هذا الموضوع
م/ محمد ممدوح

ادعمنا بنشر التدوينة