ازاي تتصرف بشكل قانوني لو حد نصب عليك في فلوس عالنت
اكيد معظمنا اتعرض للنصب الالكتروني او حتى تم النصب عليه في بيع او شراء منتج وهو سلم امره لله ومقدرش ياخذ اي تصرف قانوني مع الشخص اللي نصب عليه وبالتالي النهارده احنا هنكلمكم عن طريقه ازاي تاخد حقك بالقانون و ترجع حقك بالكامل من الشخص اللي نصب عليك
دور مباحث الإنترنت
فحاليا مباحث الانترنت طبعا و مكافحه جرائم الانترنت بتعاقب على الجرائم الالكترونيه اللي بتحصل وده بعد ظهور العديد من طرق النصب اين كان شكلها لو واحد نصب عليك قبل كده اي مكان المبلغ فما تترددش انك تنفذ الخطوات اللي تحت عشان تقدر تاخذ حقك في القانون وايه الخطوات هتكون كتالي :
خطوات التبليغ عن النصب على الإنترنت
1.هتحتفظ بالشات بينك وبينه وتطبعه في کام ورقه
2. لازم يكون معاك دليل انك بعتله فلوس يعني لازم
يكون معاك الوصل بتاع فوري او اسكرين ل لرساله لو
انت بعت من موبايلك
3. لازم يكون معاك الرقم الي بعتله الفلوس عليه لان الرقم
ده بيبقي متسجل بياناته مفيش محفظه الكترونیه
سواء فودافون کاش او غيرها الا والرقم المعمول بيه
المحفظه مستجل باسمه
4. هتكلم مباحث الإنترنت عن طريق الاتصال
ب"الإدارة العامة لتكنولوجيا المعلومات" على الرقم
"24065052 02 -0224065051"
أو الخط الساخن
"108"
بإدارة مكافحة جرائم الحاسبات. وتسأله عن
الخطوات الي هتعملها
5. ممكن تروح بنفسك لاقرب مديرية امن ليك
وتعمل محضر ولازم يكون معاك بطاقتك ومعاك دلیل
كلامك والرقم اللي نصب عليك.
الموضوع ممكن يكون رخم شويه في مشواره بس يستاهل عشان ترجع حقك
وتشوف الحرامي ده اهله بيتحايلو عليك عشان
تتنازل وتاخد الي انتا عایزه بعد ما يتجاب
6. متنساش تاخد رقم المحضر او ايصال بالمحضر
وده هيفيدك عشان لو الموضوع طول شویه تحاول
تستعلم برقم المحضر في النيابه التابعه ليك.
وخليك دائما عارف ان انت لو سكت عن حقك وسبت الشخص النصاب ده فإننا كدا بتساعد الحرامي ده في انه يكمل في الطريق اللي هو ماشي فيه.
فلو ليك صديق تم النصب عليه يا ريت تبعت له المقاله دى ويحاول انه ينفذ اللي فيها او تروح معاه وتكملوا الخطوات بالكامل ويا ريت تعملوا شير للمقاله دي في معظم جروبات البيع والشراء على الانترنت عشان كل الناس تاخد بالها من جرائم الانترنت
ودي كانت فكرة ازاي تتصرف بشكل قانوني لو حد نصب عليك في فلوس عالنت
تعليقات
إرسال تعليق